Натхненнем для новай калекцыі STAR CHRONICLE сталі старажытныя беларускія міфы пра Сонца і Месяц, а таксама ўяўленні нашых продкаў пра нябесную механіку.
Сабраць рэдкі матэрыял камандзе HVILINA дапамагла журналістка-публіцыстка Ірына Клімковіч, экс-супрацоўніца Нацыянальнай акадэміі навук Рэспублікі Беларусь, суаўтарка энцыклапедычнага слоўніка «Беларуская міфалогія». Поўны зборнік салярных і лунарных міфаў Беларусі апублікаваны на нашым сайце і даступны для спампоўвання на трох мовах на выбар: https://hvilina.by/blogs/blog/A_collection_of_lost_myths_about_the_Moon_and_the_Sun
Асаблівасцю калекцыі з’яўляецца стылізацыя выявы арыгінальнага герба Францыска Скарыны XVI стагоддзя на цыферблаце. Месяц прадстаўлены ў выглядзе серпа — менавіта так яго ўспрымалі нашы продкі: Месяц — мужчынскі пачатак, Луна — жаночы. Кампазіцыйна цыферблат адлюстроўвае нябёсы з размешчанымі на ім Месяцам і Сонцам, выкананымі ў стылі сярэднявечнага выяўленчага мастацтва: масіўныя стрэлкі складанай формы, зорны ўзор, элементы індыкацыі.
Гадзіннікі запакаваныя ў аб’ёмную скрынку — імправізаваную батлейку, здольную змясціць адначасова дзве мадэлі: мужчынскую і жаночую. Гэта ідэальны варыянт для парнага заказу. Калекцыя прадстаўлена мужчынскімі механічнымі і жаночымі кварцавымі мадэлямі і абмежаваная 500 экземплярамі кожнай мадэлі.
🔗 STAR CHRONICLE ужо даступная для замовы на нашым сайце: https://hvilina.by/collection/star-chronicle
