star chronicle mechanical brown
Калекцыя ад “HVILINA” пад назваю “Star Chronicle” натхнёная міфамі і легендамі Беларусі пра Месяц і Сонца, а таксама ўяўленнем нашых продкаў пра нябесную механіку. Шмат якія з гэтых паданняў паўсталі да з’яўлення пісьменства.
Сабраць рэдкі матэрыял камандзе “HVILINA” дапамагла Ірына Клімковіч – журналістка і публіцыстка, экс-супрацоўніца Нацыянальнай акадэміі навук Рэспублікі Беларусь, суаўтар энцыклапедычнага слоўніка «Беларуская міфалогія».
У апісанні да мадэляў Вы зможаце азнаёміцца з дызанейрскімі і інжынернымі рашэннямі, а таксама з некаторымі здзіўляльнымі гісторыямі, якія паслужылі грунтам для стварэння калекцыі “Star Chronicle”. Поўны збор міфаў апублікаваны на нашым сайце ў раздзеле "Навіны".
Характарыстыкі:
- гендэр - мужчынскія;
- механізм – Miyota 9122 premium automatic, 26 рубінавых камяні, запас ходу 40 гадзін, дакладнасць ходу -10+30 секундаў у содні;
- функцыі: дзень ў месяцы, дзень на тыдні, месяц;
- шкло франтальнае і задняй вечкі – сапфіравае;
- матэрыял корпуса – нержавеючая сталь;
- хутказдымны раменьчык з натуральнай скуры з зашпількай “матыль”;
- воданепранікальнасць – 100 м;
- гравіроўка на задняй вечцы;
- дэкараваная завадная галоўка;
- адмыслова выраблены сектар механізма, дэкараваны друкам;
- дыяметр корпуса – 43 мм;
- таўшчыня корпуса – 12,6 мм;
- шырыня раменьчыка – 22 мм;
- лімітаваная серыя – 500 шт. кожнай мадэлі;
- колер раменьчыка - карычневы.
Гадзіннікі даступныя для перадзамовы са спецыяльнай зніжкай 25%. У продаж гадзіннікі паступяць у снежні.
Уяўленне нашых продкаў пра касмічны парадак і ўзаемадзеянне свяцілаў на небасхіле змянялася з плынню стагоддзяў пад уплывам навукі, культуры і рэлігіі. Але шмат якія, нават самыя архаічныя паданні, ёсць адлюстраванне рэальных астранамічных падзей. Калекцыя “Star Chronicle” натхнёная гэтымі неверагоднымі аповедамі.
У якасці візуальнай выявы Месяца і Сонца на цыферблаце дызайнерамі “HVILINA” была распрацавана стылізацыя выявы арыгінальнага герба Францыска Скарыны XVI стагоддзі.
Не выпадкова для адлюстравання Месяца на цыферблаце была ўзята ягоная форма ў выглядзе поўні. У архаічнай традыцыі Месяц і поўня успрымаліся як два розныя нябесныя целы. Поўня увасабляла мужчынскасць, Месяц – жаночасць. Кампазіцыйна цыферблат уяўляе сабою небасхіл са змесцаванымі на ім Месяцам і Сонцам, выкананымі ў стылі сярэдневяковага выяўленчага мастацтва: масіўныя стрэлкі складанай формы, узор у выглядзе зорнага неба, элементы індыкацыі.
Згодна аднаму са старажытных міфаў, які захаваўся пад назвамі «Нябесная сям'я» ці «Нябеснае вяселле», Сонца і Месяц уяўляюць сабою ідэальную шлюбную пару: Сонца ёсць жаночы пачатак, які ўвасабляе ідэальную гаспадыню, Месяц – мужчынскі і паўстае ідэальным гаспадаром. Зоркі – іхнія дзеці. Космас – гэта церам і двор, што ў сукупнасці ўвасабляе бездакорна спарадкаваны Сусвет.
Але нават у гэтым ідэальным парадку часам здараюцца парушэнні, галоўным вінаватым якіх робіцца Месяц у сілу зменлівасці сваёй прыроды. Так, часам ён заляцаўся да Венеры, завошта быў сурова пакараны Перуном. Астранамічна гэта адпавядае перыядычным збліжэнням Венеры і Месяца на небасхіле.
У гадзінніках усталяваны японскі механізм Miyota 9122 premium automatic з 26-ю рубінавымі камянямі. Гадзіннікі абсталяваны каляндарнымі дыскамі, якія адлюстроўваюць дзень у месяцы, дзень на тыдні і месяц. Корпус выраблены з нержавеючай сталі. Завадная галоўка дэкаравана аб'ёмным фірмавым шчытом. Сапфіравае шкло франтальнай і задняй вечкі надзейна абароніць ад драпін. Воданепранікальнасць складае 100 метраў.
Празрыстая задняя вечка агаляе адмыслова выраблены сектар механізма з друкам, выкананым у выглядзе батлейкі, дзе Сонца і Месяц паўстаюць галоўнымі героямі «касмічнага тэатра». Батлейка – гэта беларускі народны тэатр лялек, што атрымаў шыранне з пачатку XVI стагоддзя. Стылізацыя батлейкі на сектары механізма ўвасабляе тэатральнасць і лірычнасць, з якой нашы продкі апісвалі назіраныя імі з'явы.
Аб'ёмная скрынка таксама выканана ў выглядзе імправізаванай батлейкі і можа ўмясціць дзьве мадэлі – мужчынскую і жаночую для парнай замовы. Калекцыя ёсць лімітаваная, усяго будзе выпушчана 500 шт. кожнай мадэлі.
У рамках выпуску лімітаванай калекцыі 1% мадэляў будзе выраблены з унікальным друкам на каляндарным дыску. Выява будзе размешчана замест аднаго з лікаў даты; для мужчынскіх і жаночых мадэляў выявы будуць адрознівацца. Яны будуць звязаны з тэмай калекцыі. Мэтанакіравана абраць такія мадэлі магчымасці не будзе, яны знойдуць сваіх уладальнікаў у выпадковым парадку.
