Дарагія сябры, з гонарам паведамляем, што калекцыя STAR CHRONICLE атрымала яшчэ адну прэстыжную ўзнагароду — золата ў намінацыі Fashion Design - Watches на MUSE Design Awards 2024: Season 2 у ЗША.
Калекцыя Star Chronicle натхнёная міфамі і легендамі Беларусі пра Месяц і Сонца, уяўленнямі нашых продкаў пра нябесную механіку. Рэдкі матэрыял пра старажытныя паданні дапамагла сабраць экс-супрацоўніца Нацыянальнай акадэміі навук РБ Ірына Клімковіч. У якасці візуальнага вобраза Месяца і Сонца на цыферблаце гадзінніка была распрацавана стылізацыя арыгінальнага герба Францыска Скарыны XVI стагоддзя.
Мы бязмежна ўдзячныя вам за падтрымку! Гэта натхняе нас рухацца наперад і ствараць яшчэ больш смелыя дызайны!
* MUSE Design Awards — гэта міжнародны конкурс для дызайнераў, які адзначае перадавыя дызайнерскія рашэнні ў розных галінах. Прэмія арганізавана міжнароднай асацыяцыяй International Awards Associate (IAA) і з’яўляецца адной з самых аўтарытэтных міжнародных узнагарод у галіне дызайну. Усяго было пададзена 8700 заявак з усяго свету. У гэтым годзе ў склад журы ўвайшло 78 прафесіяналаў з крэатыўнай і дызайнерскай індустрыі. Акрамя галіновых стандартаў пры адзнацы прац, справядлівасць журы забяспечвалася дзякуючы метаду сляпога судзейства.
📎 Азнаёміцца з конкурснай працай можна па спасылцы: https://design.museaward.com/winner-info.php?id=24747
