Дарагія сябры, рады падзяліцца неверагоднай навіной!
Калекцыя наручных гадзіннікаў STAR CHRONICLE, натхнёная беларускімі міфамі пра Сонца і Месяц, удастоілася ўзнагароды Winner міжнароднай прэміі German Design Awards 2025 у катэгорыі «Выдатны дызайн прадукта — Рэчы раскошы» (Excellent Product Design - Luxury Goods). Гэта адна з самых прэстыжных узнагарод у індустрыі, якая прысуджаецца Нямецкім саветам па дызайне, што існуе з 1953 года.
Наша калекцыя STAR CHRONICLE прысвечана ўяўленням старажытных беларусаў пра нябесную механіку. У якасці візуальнага сімвала свяцілаў была распрацавана стылізацыя арыгінальнага герба Францыска Скарыны XVI стагоддзя. Гадзіннік абсталяваны аўтаматычным механізмам прэміум-класа Miyota 9122. Задняя крышка адкрывае унікальны сектар механізму з гравіроўкай у выглядзе батлейкі — сярэднявечнага лялечнага тэатра, дзе Сонца і Месяц выступаюць галоўнымі героямі «касмічнага тэатра».
Узнагарода нямецкага конкурсу стала шостай для нас у 2024 годзе. Ваша падтрымка натхняе нас рухацца наперад і рэалізоўваць самыя амбіцыйныя праекты. Дзякуем вам!
* Прэмія German Design Awards — гэта галоўная міжнародная ўзнагарода Нямецкага савета па дызайне. Яе місія — адзначыць і паказаць свету ўнікальныя прадукты, якія пашыраюць межы дызайну. Штогод пераможцы становяцца «новым словам» на сусветнай дызайнерскай сцэне. Заснаваная ў 2012 годзе, German Design Award ператварылася ў адзін з самых прэстыжных конкурсаў дызайну ў свеце.
📎 Азнаёміцца з конкурснай працай можна па спасылцы: https://www.german-design-award.com/en/the-winners/gallery/detail/53205-star-chronicle-mechanical.html
