Дарагія сябры, мы рады падзяліцца надзвычайнай навіной!
Калекцыя TWELVE MINUTES атрымала залатую ўзнагароду ў катэгорыі Fashion Design – Watches на прэстыжным конкурсе дызайну MUSE Design Awards 2024 у ЗША.
Наша калекцыя TWELVE MINUTES створана ў калабарацыі з вядомым партугальскім гейм-дызайнерам Луісам Антоніа па матывах аднайменнай гульні. Гадзіннік з’яўляецца трансформерам і ператвараецца з наручных у кішэнныя. Дызайн уяўляе сабой стылізацыю гадзінніка, які выкарыстоўваецца галоўным героем у гульні 12 Minutes. Адна з асаблівасцяў калекцыі — механізм Miyota са зваротным ходам стрэлак, які ўзмацняе сувязь з апавяданнем гульні.
Мы ўдзячныя за вашу падтрымку! Гэта натхняе нас на далейшае развіццё.
MUSE Design Awards — гэта міжнародны конкурс для дызайнераў, які адзначае перадавыя дызайнерскія рашэнні ў самых розных галінах. Прэмія ладзіцца міжнароднай арганізацыяй International Awards Associate (IAA) і ёсць адна з самых аўтарытэтных міжнародных узнагародаў у галіне дызайну. Усяго было пададзена 8500 заявак з усяго свету. У гэтым годзе журы складалася з 56 прафесіяналаў з індустрыі крэатыву і дызайну. Апроч галіновых стандартаў пры адзнацы прац, справядлівасць журы забяспечвалася метадам сляпога судзейства.
Вы можаце азнаёміцца з конкурснымі працамі па наступнай спасылцы: https://design.museaward.com/winner-info.php?id=21451