la promenade la ville
La Promenade La Ville – з фр. «горад», чытаецца як [ла праменад ла віль].
Мадэль выканана па матывах карціны «Над горадам», атрымаўшы адпаведную назву. Французская мова абрана як даніна працягламу французскаму перыяду творчасці аўтара, яна найбольш прыдатная па духу, адлюстроўваючы тэму калекцыі.
У сваіх творах Шагал часта маляваў Парыж і Віцебск, а практычна ўсе жаночыя вобразы ў працах мастака былі прысвечаны яго жонцы і музе Бэле Розенфельд.
Характарыстыкі:
- механізм – швейцарскі кварцавы Ronda 762;
- шкло – мінеральнае;
- матэрыял корпуса – нержавеючая сталь;
- раменьчык з натуральнай скуры;
- воданепранікальнасць – 5 АТМ;
- гравіроўка на заднім вечку;
- таўшчыня корпуса – 9 мм;
- дыяметр корпуса – 37,8 мм;
- шырыня раменьчыка – 20 мм;
- лімітаваная серыя 1000 шт.
Марк Шагал з’яўляецца яркім прадстаўніком мастацкага авангарду XX стагоддзя. За сваё жыццё мастак пакінуў найбагацейшую калекцыю твораў мастацтва, якая ўключае творы выяўленчага мастацтва, мазаікі, вітражоў.
Карціна Марка Шагала «Над горадам» з’яўляецца заключным творам трыпціха аўтара. На ёй намаляваны Марк са сваёй жонкай Бэлай, якія лунаюць над родным для іх Віцебскам. Цыферблат гадзінніка кампазіцыйна падзелены на дзве часткі: ніжняя частка – стылізацыя горада з палатна аўтара, верхняя частка – неба з індыкацыяй часавай шкалы ў выглядзе зорак і сонца на адзнацы 12 гадзін.
Стрэлкі гадзінніка з’яўляюцца стылізацыяй вобразаў герояў карціны. Колер і форма стрэлак сімвалічна адсылаюць да персанажаў аўтара твораў. Больш буйная стрэлка гадзінніка сімвалізуе мужчыну; хвалістая, вытанчаная – дзяўчыну. У пары яны ствараюць выдатнае спалучэнне, дапаўняючы адзін аднаго.
Асаблівасцю карціны з’яўляецца перадача рамантыкі сярод звыклых, бытавых рэчаў. Гэта і свойская жывёла, намаляваная ў двары аднаго з дамоў, і непрыкметны персанаж пад плотам. Гэты настрой нязмушанасці мы пастараліся перадаць і ў дызайне гадзінніка ў выглядзе малюнка свойскай казы з палатна мастака. Такая яркая дэталь прыўносіць гуллівасць, нейкую абсурднасць у звыклае ўяўленне рамантычнага і прыгожага, але не выглядае чужой, выдатна дапаўняючы агульную канцэпцыю, закладзеную мастаком.
Індыкацыя часавай шкалы ў выглядзе стылізаванага сонца і зорак размяшчаецца ў верхняй частцы цыферблата, на небасхіле.
Корпус з нержавеючай сталі, надзейны кварцавы швейцарскі механізм і папружка з натуральнай скуры прызначаны забяспечыць максімальны камфорт у выкарыстанні аксесуара.
Скрынка для захавання гадзінніка выканана ў выглядзе падрамніка з багетам, ператвараючы гадзіннік у закончаны твор.
