star chronicle quartz silver night
Калекцыя HVILINA “Star Chronicle” натхнёная міфамі і легендамі Беларусі пра Месяц і Сонца, а таксама ўяўленнем нашых продкаў пра нябесную механіку. Шмат якія з гэтых паданняў паўсталі да з’яўлення пісьменства.
Сабраць рэдкі матэрыял камандзе “HVILINA” дапамагла Ірына Клімковіч – журналістка і публіцыстка, экс-супрацоўніца Нацыянальнай акадэміі навук Рэспублікі Беларусь, суаўтар энцыклапедычнага слоўніка «Беларуская міфалогія».
У апісанні да мадэляў Вы зможаце азнаёміцца з дызанейрскімі і інжынернымі рашэннямі, а таксама з некаторымі здзіўляльнымі гісторыямі, якія паслужылі грунтам для стварэння калекцыі “Star Chronicle”. Поўны матэрыял пра міфы і паданні будзе апублікаваны пазней, асобным артыкулам на нашым сайце.
Характарыстыкі:
- гендэр – жаночыя;
- механізм – Miyota JP21 Multi-Function quartz, запас ходу – 36 месяцаў;
- функцыі: дата ў месяцы, дзень на тыдні, 24-гадзіннікавы цыферблат;
- шкло франтальнае – сапфіравае;
- матэрыял корпуса – нержавеючая сталь;
- хутказдымны раменьчык з натуральнай скуры з зашпількай "матыль";
- воданепранікальнасць – 50 м;
- гравіроўка – на задняй вечцы, на завадной галоўцы;
- дыяметр корпуса – 39 мм;
- таўшчыня корпуса – 10,9 мм;
- шырыня раменьчыка – 18 мм;
- лімітаваная серыя – 500 шт. кожнай мадэлі.
Гадзіннiк даступны для папярэдняй замовы са спецыяльнай зніжкай 25%. У продаж гадзіннік паступіць у верасні.
Уяўленне нашых продкаў пра касмічны парадак і ўзаемадзеянне свяцілаў на небасхіле змянялася з плынню стагоддзяў пад уплывам навукі, культуры і рэлігіі. Але шмат якія, нават самыя архаічныя паданні, ёсць адлюстраванне рэальных астранамічных падзей. Калекцыя “Star Chronicle” натхнёная гэтымі неверагоднымі аповедамі.
У якасці візуальнай выявы Месяца і Сонца на цыферблаце дызайнерамі “HVILINA” была распрацавана стылізацыя выявы арыгінальнага герба Францыска Скарыны XVI стагоддзі.
Не выпадкова для адлюстравання Месяца на цыферблаце была ўзята ягоная форма ў выглядзе поўні. У архаічнай традыцыі Месяц і поўня успрымаліся як два розныя нябесныя целы. Поўня увасабляла мужчынскасць, Месяц – жаночасць. Кампазіцыйна цыферблат уяўляе сабою небасхіл са змесцаванымі на ім Месяцам і Сонцам, выкананымі ў стылі сярэдневяковага выяўленчага мастацтва: масіўныя стрэлкі складанай формы, узор у выглядзе зорнага неба, элементы індыкацыі.
Згодна аднаму са старажытных міфаў, які захаваўся пад назвамі «Нябесная сям'я» ці «Нябеснае вяселле», Сонца і Месяц уяўляюць сабою ідэальную шлюбную пару: Сонца ёсць жаночы пачатак, які ўвасабляе ідэальную гаспадыню, Месяц – мужчынскі і паўстае ідэальным гаспадаром. Зоркі – іхнія дзеці. Космас – гэта церам і двор, што ў сукупнасці ўвасабляе бездакорна спарадкаваны Сусвет.
Але нават у гэтым ідэальным парадку часам здараюцца парушэнні, галоўным вінаватым якіх робіцца Месяц у сілу зменлівасці сваёй прыроды. Так, часам ён заляцаўся да Венеры, завошта быў сурова пакараны Перуном. Астранамічна гэта адпавядае перыядычным збліжэнням Венеры і Месяца на небасхіле.
У гадзініках усталяваны кварцавы механізм Miyota JP21 Multi-Function з запасам ходу 36 месяцаў на адным элеменце сілкавання. Гадзіннікі абсталяваны каляндарнымі дыскамі, якія адлюстроўваюць дзень у месяцы і дзень на тыдні, а таксама маюць дублявальны 24-гадзіннікавы цыферблат. Корпус выраблены з нержавеючай сталі. На завадной галоўцы выканана фірмовая гравіроўка. Сапфіравае шкло надзейна абароніць ад драпін. Воданепранікальнасць складае 50 м.
Гравіроўка на задняй вечцы выканана ў выглядзе стылізацыі выявы арыгінальнага герба Францыска Скарыны XVI стагоддзі. Калекцыя ёсць лімітаваная, усяго будзе выпушчана 500 шт. кожнай мадэлі.
Аб'ёмная скрынка выканана ў выглядзе імправізаванай батлейкі. Батлейка – гэта беларускі народны тэатр лялек, што атрымаў шыранне з пачатку XVI стагоддзя. Дызайн скрынкі ўвасабляе тэатральнасць і лірычнасць, з якой нашы продкі апісвалі назіраныя імі з'явы. Скрынка можа ўмясціць дзьве мадэлі – мужчынскую і жаночую для парнай замовы.
У рамках выпуску лімітаванай калекцыі 1% мадэляў будзе выраблены з унікальным друкам на каляндарным дыску. Выява будзе размешчана замест аднаго з лікаў даты; для мужчынскіх і жаночых мадэляў выявы будуць адрознівацца. Яны будуць звязаны з тэмай калекцыі. Мэтанакіравана абраць такія мадэлі магчымасці не будзе, яны знойдуць сваіх уладальнікаў у выпадковым парадку.
