З даўніх часоў людзі глядзелі на зоркі, імкнучыся зразумець, як уладкаваны сусвет. Ад незлічоных міфаў і легендаў і да тэорыі адноснасці Эйнштэйна. За больш чым 2000 гадоў чалавецтва прайшло шлях ад уяўлення пра плоскую Зямлю і геацэнтрычную мадэль да сучаснага разумення будовы сусвету, вывела чалавека ў космас, высадзілася на Месяцы і распачало падарожжа да Марса.
Новая калекцыя HVILINA UNIVERSUM COSMOGRAPHIA працягвае развіваць канцэпцыю аб’яднання стылізаваных зорных мапаў розных эпох: ад геацэнтрычнай сістэмы да сучаснага разумення будовы свету. Цяпер яна атрымала яшчэ больш складаную і захапляльную інтэрпрэтацыю з выкарыстаннем трохмерных аб’ектаў для глыбейшага пагружэння ў касмічную тэматыку.
Як і ў папярэдніх калекцыях UNIVERSUM, асновай для адлюстравання старажытных ведаў пра ўладкаванне свету стала стылізацыя адной з самых ранніх захаваных зорных мапаў, датаванай IX стагоддзем, якая прадстаўляе геацэнтрычную мадэль свету. Аднак цяпер яна ўвасоблена ў выглядзе 24-гадзіннай стрэлкі GMT, што размешчаная пад цыферблатам і бачная праз акно ў ягонай верхняй частцы. Стылізацыя дапоўненая арыгінальнымі надпісамі сузор’яў знакаў задыяка на лацінскай мове і вялікімі літарамі, якія іх падзяляюць.
Такім чынам, на працягу содняў можна ўбачыць поўны спіс сузор’яў і абазначэнняў, змешчаных у старажытнай крыніцы. Функцыянальна дыск GMT падзелены на дзве часткі: светлая адпавядае дзённаму часу, цёмная — начному.
У ніжняй частцы цыферблата размешчана трохмерная мадэль планетарыя, якая адлюстроўвае сучаснае бачанне будовы свету. Стылізаваныя аб’ёмныя планеты Сонечнай сістэмы ўзвышаюцца над цыферблатам, але не навісаюць нал ім, візуальна нібыта знаходзячыся ўнутры касмічнай прасторы, якая пагружае ў атмасферу касмічнай гармоніі. Дынамічнасць усёй кампазіцыі ўзмацняе графічнае адлюстраванне арбіт руху планетаў, асобным графічным элементам вылучаныя кольцы Сатурна. Цыферблат выкананы ў тэхніцы гільяшэ, што надае яму дадатковую глыбіню, дзякуючы рэльефнай паверхні.
Асаблівая ўвага нададзена новаму стылю індыкацыі і стрэлак, выкананаму ў касмічнай тэматыцы ў адпаведнасці з агульнай канцэпцыяй: ад формаў стрэлак і каляровай палітры да стылістыкі шрыфта індыкацыі.
У гадзіннках усталяваны надзейны механізм з аўтападзаводам Miyota 9075 Premium Automatic, 24 рубінавыя камяні, запас ходу 42 гадзіны, дакладнасць ходу -10 да +30 секунд у суткі. Сектар механізму дэкараваны гравіроўкай, якая дапаўняе планетарый на цыферблаце выявамі карлікавых планетаў, размешчаных за арбітай Нептуна.
Корпус новай мадэлі, распрацаваны інжынерамі і дызайнерамі HVILINA, атрымаў як тэхналагічныя, так і стылістычныя абнаўленні. Захоўваючы плыўныя контуры папярэдніх мадэляў, ён набыў больш выразны рант з гравіроўкай HVILINA UNIVERSUM. Цалкам перапрацаваны і дызайн задняй вечкі. Матэрыял корпуса — нержавеючая сталь.
Франтальнае і задняе шкло выкананы з сапфіра, пры гэтым франтальнае шкло мае ўнутранае антыблікавае пакрыццё. У стандартнай камплектацыі гадзіннікі пастаўляюцца з хутказдымным каучукавым раменьчыкам. Воданепранікальнасць — 50 м. Калекцыя прадстаўлена ў 4 колерах, усяго будзе выпушчана па 500 экзэмпляраў кожнага колеру.
За дадатковую плату даступны наступныя опцыі: магчымасць выбару нумара з лімітаванай серыі (толькі ў перыяд ранняй прадзасову), кастамізацыя дызайну GMT-дыска з вылучэннем патрэбнага знака задыяку колерам, дадатковы раменьчык з плоскай скуры або з малюнкам скуры кракадзіла.
