la promenade la journee
La Promenade La Journee – з фр. «дзень», чытаецца як [ла праменад ла журні].
Мадэль выканана па матывах карціны «Прагулка». Французская мова абрана як даніна працягламу французскаму перыяду творчасці аўтара, яна найбольш прыдатная па духу, адлюстроўваючы тэму калекцыі.
У сваіх творах Шагал часта маляваў Парыж і Віцебск, а практычна ўсе жаночыя вобразы ў працах мастака былі прысвечаны яго жонцы і музе Бэле Розенфельд.
Характарыстыкі:
- механізм – швейцарскі кварцавы Ronda 762;
- шкло – мінеральнае;
- матэрыял корпуса – нержавеючая сталь;
- раменьчык з натуральнай скуры;
- воданепранікальнасць – 5 АТМ;
- гравіроўка на заднім вечку;
- таўшчыня корпуса – 9 мм;
- дыяметр корпуса – 37,8 мм;
- шырыня раменьчыка – 20 мм;
- лімітаваная серыя 1000 шт;
- гарантыя - 12 месяцаў;
- тэрмін службы - 10 гадоў.
Марк Шагал з’яўляецца яркім прадстаўніком мастацкага авангарду XX стагоддзя. За сваё жыццё мастак пакінуў найбагацейшую калекцыю твораў мастацтва, якая ўключае творы выяўленчага мастацтва, мазаікі, вітражоў.
«Прагулка» з’яўляецца адной з самых вядомых работ Шагала. Творчасць мастака вельмі аўтабіяграфічная, і на гэтай карціне (як і на дзвюх іншых трыпціха) намаляваны сам аўтар і яго жонка Бэла Розенфельд. Твор метафарычны: палёт сімвалізуе жаданне перадаць пачуццё закаханасці, якое акрыляе, жаданне забыцца на побыт і няпросты час, у які стваралася карціна.
Падтрымліваючы агульную канцэпцыю твора, цудоўным кантрастам абыграны два пачаткі: неба і зямля. Зялёныя квадраты зямлі з нагрувашчваннем маленькіх домікаў ураўнаважваюцца перламутравым, амаль бясхмарным небам. Стылізацыю дадзенага прыёму можна ўбачыць у цыферблаце гадзінніка. На ніжняй яго частцы намалявана стылізацыя горада Віцебска з карціны майстра, на верхняй – бясхмарнае неба. Стрэлкі гадзінніка сімвалізуюць герояў карціны. Колер стрэлак падабраны ў тон асноўным колерам адзення персанажаў. Таксама стылізавана форма стрэлак: больш буйная гадзіннікавая стрэлка сімвалізуе мужчыну, хвалістая, вытанчаная – дзяўчыну. У пары яны ствараюць выдатнае спалучэнне, дапаўняючы адзін аднаго.
Адной з важных асаблівасцей дадзенага твора з’яўляецца абыгрыванне выразу «сініца ў руках ці журавель у небе». Аўтар прапануе нам не выбіраць: на карціне цвёрда стаіць на зямлі мужчына, адной рукой моцна трымае сваю акрыленую каханую, а ў другой руцэ – маленькую птушку. Гэтую дэталь можна ўбачыць і ў нашым гадзінніку: стрэлкі ўвасабляюць герояў твора, а на заднім вечку гадзінніка сімвалічна намалявана птушка.
Індыкацыя часавай шкалы ў выглядзе стылізаванага сонца і зорак размяшчаецца ў верхняй частцы цыферблата, на небасхіле. Дадзеная мадэль выканана ў двух колеравых спалучэннях, сімвалізуючы дзённы і начны час сутак.
Корпус з нержавеючай сталі, надзейны кварцавы швейцарскі механізм і папружка з натуральнай скуры прызначаны забяспечыць максімальны камфорт у выкарыстанні аксесуара.
Скрынка для захавання гадзінніка выканана ў выглядзе падрамніка з багетам, ператвараючы гадзіннік у закончаны твор.
